partekatu
• HERRIKO ELKARTEAK
Udalak 12.161 euro eman dizkie herriko 6 elkarteri
Udalak 8.376 euro eman dizkie Lasarte-Oriako 5 kultura-elkarteri, urteko programaziorako laguntzetarako Kulturatik egindako deialdiaren barruan. Horrez gain, Burunzpe guraso-elkarteari 3.785 euroko diru-laguntza eman zaio eskola-orduz kanpoko jardueretarako programagatik.
Jarduera kulturalen urteko programarako 2917ko deialdira herriko 6 elkarte aurkezten ziren, eta horietatik bat kanpo geratu zen, gastuak baino diru-sarrera gehiagoko balantzea aurkeztu zuelako. Beste bost entitateen artean oinarrien araberako baremazioa egin ondoren, diru-laguntzen banaketa honela izan da:
- · Virgen de Guadalupe Extremadurar Etxea 2.313 €
- · Zabaleta Auzolan elkartea 2.812 €
- · Lan eta Lan 775 €
- · Danok Kide 2.127 €
- · Sasoeta Sasoian 349 €
Bestalde, eta orain hezkuntzaren arloan, eskola-orduz kanpoko jardueretarako diru-laguntzen deialdira elkarte bakarra aurkeztu zen, Burunzpe guraso-elkartea, zeinek 3.785 euro jasoko baititu 2017ko programagatik.
Iturria: Lasarte-Oriako Udala
