partekatu
• ZUBIETAKO ERRAUSTEGIA
Gorako errekurtsoa Zubietako erraustegiaren kontra
Lasarte-Oriako Udalak urratsak abiatu ditu gorako errekurtsoa jarri ahal izateko, Eusko Jaurlaritzaren aurrean, erraustegiaren ingurumen-inpaktuaren deklarazioa onesten duen ebazpenaren kontra.
Lasarte-Oriako alkateak idatzi bat helarazi dio Eusko Jaurlaritzari, eskatuz Udala parte interesatutzat onartua izan dadila espedientean, eta ofizialki jakinaraz diezagutela Zubietako errauste-plantaren ingurumen-inpaktuaren deklarazioa onesten duen ebazpena. Udaletik, partetzat onartua izan behar dugula deritzogu, kontuan izanda Partzuergoak aurkeztutako estudioaren eta proiektuaren kontra 2009an aurkeztu genituen alegazioak.
Behin ebazpena ofizialki notifikatzen digutenean, eta haren edukiaren xehetasun guztiak dakizkigunean (oraindik ez baita argitaratu), ebazpen horren kontra gorako errekurtsoa aurkezteari ekingo diogu.
Iturria: Lasarte-Oriako Udala
