partekatu
• BIZIKIDETZA
Lasarte-Oriako PSE-EEk EAJren aurka egindako pintaketa gaitzetsi du
Lasarte-Oriako PSE-EEren ustez, onartezina da gure herriaren sektore garrantzitsu bat ordezkatzen duten talde politikoen aurkako pintadak egitea. Horregatik, elkartasuna adierazi nahi diogu Lasarte-Oriako EAJri.
Lasarteoriatar sozialistok, intoleranteen jazarpena hainbeste denboran jasan dugunok, solidarioak gara gure herrian elkarbizitza demokratikoaren aurka doan edozein ekintza jasaten dutenekin.
Desadostasun politikoa beharrezkoa da, positiboa da. Beharrezkoa bezain beharrezkoa da desberdin pentsatzen duenarekiko tolerantzia eta errespetua. Ezin ditugu horrelako ekintzak onartu, erakusten baitute gure gizarteko zenbait sektorek ez dituztela beharrezko urratsak eman bizikidetza demokratikoaren garai berri hau irekitzeko.
